Հավելյալ տեղեկություն

Երևանում գործող «Ուռուցքաբանության ֆրանսիական ինստիտուտ»-ը քաղցկեղ ունեցող բուժառուներին թե՛ մինչվիրահատական, և թե՛ հետվիրահատական շրջանում մատուցում է խորհրդատվական ծառայություններ և դեղորայքային բուժում

Ինստիտուտն ապահովում է ամենաարդիական և ամենաառաջադեմ մեթոդներով բուժում, ինչպիսին առաջարկում են աշխարհի զարգացած կլինիկաները։ Ավելին՝ հարազատ երկրում անցնելով բուժման կուրսերը, բուժառուն չի կտրվում հարազատ միջավայրից, իր աշխատանքից, խուսափում է օտար երկրներում բուժման հետ կապված հսկայական ծախսերից։ Բժիշկն ու բուժաձնակազմի մյուս անդամները խոսում և «բուժում» են մայրենի, բուժառուին հասկանալի լեզվով

Հայրենակիցների համար նման բուժումը մատչելի դարձնելու համար էլ ֆրանսահայ ուռուցքաբան, բժշկական գիտությունների դոկտոր Նորբեր Ավետյանը (մասնագիտացումը՝ քիմիաթերապիա, ճառագայթային թերապիա, ռադիոթերապիա, իմունաթերապիա) 2017 թվականին հիմնեց «Ուռուցքաբանության ֆրանսիական Ինստիտուտ»ն։ Արդեն բավական փորձառու և հիվանդությունը հաղթահարելու բազմաթիվ հաջողություններ գրանցած բուժանձնակազմի ընթացիկ աշխատանքին ֆրանսահայ բժիշկը հետևում է մշտապես և տարեկան մի քանի անգամ այցելում է Հայաստան

Ինստիտուտի տնօրենն է ուռուցքաբան, վիրաբույժ, գինեկոլոգ Շուշանիկ Մակարյանը, որն ուռուցքաբանության ոլորտում վերապատրաստվել է նաև Փարիզի Bizet և Alleray-Labrouste կլինիկաներում

Այստեղ գրանցված բազմաթիվ հաջողությունների՝ քաղցկեղը հաղթահարելու գաղտնիքը ոչ միայն բուժանձնակազմի բարձր պրոֆեսիոնալիզմն է, այլև՝ մարդկային որակները. «յուրաքանչյուր հիվանդին՝ անհատական մոտեցում» սկզբունքը ոչ միայն բուժման անհատական մեթոդի, այլև հոգեբանական առանձնահատուկ մոտեցման ընտրություն է նշանակում

Ինֆոբլոգ

Բժիշկներ