Դոհայի միջազգային ֆորումում Ադրբեջանի նախագահի օգնական Հիքմեթ Հաջիև հայտարարեց, որ վերջին հանդիպման ընթացքում Հայաստանի փոխվարչապետ Մհեր Գրիգորյանի ու Ադրբեջանի փոխվարչապետ Շահին Մուստաֆաևի միջև քննարկվել են ոչ միայն սահմանազատման գործընթացի հարցերը, այլ նաև երկու երկրների միջև փոխադարձ առևտրի զարգանալու հեռանկարները:

Հաջիևը ընդգծել է, որ հատկապես կարևոր երևույթ է ադրբեջանական նավթի և նավթամթերքի արտահանումը Հայաստանի շուկա, ինչը կարող է նպաստել տնտեսական համագործակցության ընդլայնմանը: