Հավելյալ տեղեկություն

Երևանի Հրանտ Մաթևոսյանի անվան հանրակրթական դպրոցը հիմնադրվել է 1971թ-ին։ Հիմնադրման օրից մինչև 1997թ-ի օգոստոսը կոչվել է թ. 96 դպրոց։ Երևանի քաղաքապետի 1997թ.-ի օգոստոսի 27-ի N կ-118 որոշման համաձայն ՙԷվրիկա՚ վարժարանի և թ. 96 դպրոցի բազայի վրա ստեղծվել է ՙԷվրիկա՚ կրթահամալիրը։ Երևանի քաղաքապետի 2002թ. հուլիսի 25-ի հ. 2387-Ա որոշման համաձայն ՙԷվրիկա՚ կրթահամալիրը վերանվանվել է ՙԷվրիկա՚ միջնակարգ դպրոց ՊՈԱԿ։ 2005թ. հունվարի 31-ի հ. 2/4 որոշման համաձայն Երևանի ՙԷվրիկա՚ միջնակարգ դպրոց ՊՈԱԿ-ը վերանվանվեց ՙՀրանտ Մաթևոսյանի անվան հանրակրթական դպրոց՚ ՊՈԱԿ։ 2009թ.-ից դպրոցը դարձել է Հրանտ Մաթևոսյանի անվան հիմնական դպրոց ՊՈԱԿ: ՀՀ ԿԳՆ 2001թ. մայիսի 29-ի N 183-Մ հրամանի հիման վրա 2001-2002 ուստարվանից դպրոցին վերապահված է ռուսաց լեզվով խորացված ուսուցում կազմակերպելու իրավունք։ Դպրոցը նախատեսված է 480 աշակերտի համար։
Ուսուցանվող օտար լեզուներն են՝ ռուսաց լեզուն և անգլերենը: Ռուսերենով ուսուցմամբ դասարաններ չեն գործում: Չի իրականացվում ներառական կրթություն: Աշխատանքային ռեժիմը միահերթ է, երկարօրյա խումբ չի գործում, չեն գործում նաև խմբակներ և լրացուցիչ կրթական ծրագրեր (մարզական, մշակութային): Մարզադահլիճները և նրանցում առկա մարզական գույքը բավարար են: Համագործակցում է Լոռվա մարզի Ահնիձոր գյուղի Հրանտ Մաթևոսյանի անվան դպրոցի հետ: