Հավելյալ տեղեկություն

Նվաճումներ

Արտադրանքի և ծառայությունների որակի ապահովման բնագավառում ՀՀ կառավարության 2015 թվականի մրցանակ «Իզմիրլյան» բժշկական կենտրոնին

Հայաստանի Հանրապետության կառավարության 2016 թվականի ապրիլի 6-ի «Արտադրանքի և ծառայությունների որակի ապահովման բնագավառում ՀՀ կառավարության 2015 թվականի մրցանակներ շնորհելու մասին» թիվ 355-Ա որոշման համաձայն, այսօր Արմենիա Մարիոթ հյուրասրահում «Իզմիրլյան» բժշկական կենտրոնին շնորհվեց մրցանակ ծառայությունների որակի ապահովման բնագավառում ձեռք բերված նշանակալի արդյունքների և որակի կառավարման արդյունավետ մեթոդների ներդրման համար:
Իր երախտիքի խոսքով հանդես եկավ «Իզմիրլյան» ԲԿ տնօրեն Ա. Չարչյանը: Նա շնորհակալություն հայտնեց կազմակերպիչներին` կենտրոնի թիմային աշխատանքի արդյունքը բարձր գնահատելու համար:


«Առողջապահություն և Դեղագործություն EXPO 2016» 15-րդ միջազգային մասնագիտացված ցուցահանդեսի շրջանակում «Իզմիրլյան» ԲԿ-ին շնորհվեց ‹‹Ոսկե մեդալ›› մրցանակ

«Առողջապահություն և Դեղագործություն EXPO 2016» խորագրով ցուցահանդեսի շրջանակներում մարտի 4-6 հայաստանյան առողջապահական համակարգը ներկայացել էր 80-ից ավելի բժշկական կազմակերպություններով:

Ցուցահանդեսի հիմնական նպատակներն էին. բժշկական տեխնիկայի, սարքավորումների և դեղերի առաջատար արտադրողների, առողջապահության ոլոտում աշխատող մասնագետների ներգրավում, նորարարական արտադրանքի առաջխաղացման համար նպաստավոր պայմանների ստեղծում: Մասնակից ընկերությունները նաև իրենց տարեկան աշխատանքի ամփոփումն էին կատարում:
Առոջապահական ցուցահանդեսին իր ծառայությունները ներկայացրեց նաև «Իզմիրլյան» բժշկական կենտրոնը, ծանոթացնելով մեկ տարվա ընթացքում կատարված փոփոխություններին, մասնավորապես, ճառագայթային ախտորոշման բաժանմունքին: Այն նախկինում գտնվում էր խորհրդատվական ախտորոշման բաժանմունքի կազմում: Տեխնիկապես վերազինվելուց հետո ծառայությունը բավականին մեծ թափ առավ, և անհրաժեշտություն առաջացավ այն ներկայացնելու որպես առանձին ստորաբաժանում: Բացվեց նաև անոթային վիրաբուժության բաժանմունքը:
«Ռոյալ Թուլիփ Գրանդ Հոթել Երևան» հյուրանոցում տեղի ունեցած հոբելյանական «Առողջապահություն և Դեղագործություն EXPO 2016» ցուցահանդեսի փակման պաշտոնական արարողության ժամանակ ‹‹Իզմիրլյան›› ԲԿ-ին շնորհեցին ‹‹Ոսկե մեդալ›› մրցանակ: Հանձման արարողության ժամանակ նշվեց, որ կենտրոնը լավագույնն էր ներկայացել էքսպո ցուցահանդեսին, և այսօր այն, իրավամբ, համարվում է առաջատար բուժհաստատություններից մեկը հանրապետությունում` համապատսխանելով միջազգային չափորոշիչներին:


«Իզմիրլյան» բժշկական կենտրոնին շնորհվեց Ոսկե մրցանակ

Դեկտեմբերի 11-ին Ստանդարտների ազգային ինստիտուտ Համազգային վստահության խորհրդի կողմից «Իզմիրլյան» բժշկական կենտրոնին շնորհվեց Ոսկե մրցանակ ԱՊՀ անդամ երկրների ստանդարտացման, չափագիտության և սերտիֆիկացման միջպետական խորհրդի աշխատանքներին ակտիվ մասնակցության համար:

Դիպլոմը տնօրեն Ա. Չարչյանին հանձնեցին Ոսկե մրցանակ Ստարդատացման ազգային մարմնի ղեկավար Ե. Ազարյանը և ՌԴ տեխնիկական կանոնակարգման, ստանդարտացման և համապատասխանության գնահատման ՌԱՁՄ կոմիտեի նախագահի առաջին տեղակալ Ա. Լոցմանովը:
«Իզմիրլյան» բժշկական կենտրոնին պատիվ է ծառայել հանրությանը և մաքսիմալ օգտակար լինել:

Ինֆոբլոգ

Բժիշկներ